Претседателот на САД, Џо Бајден, по средбите на Блинкен со високи функционери на Кина, оцени дека односите меѓу двете држави се на „вистинскиот пат“, како и дека американскиот државен секретар завршил „пеколна работа“. Сепак, последната негова проценка е дека за време на дводневните разговори не е постигнат напредок.
Кина и САД се договорија да го стабилизираат своето интензивно ривалство за да не се навлезе во конфликт, но не успеаја да направат некој голем пробив во меѓусебните односи. Кинескиот претседател Си Џинпинг го поздрави „напредокот“, откако се ракуваше со Блинкен на местото кое обично е резервирано за поздравување на шефовите на држави.
Највисокиот американски дипломат и кинескиот претседател ја истакнаа важноста од постабилни односи, бидејќи секој конфликт меѓу двете најголеми економии во светот ќе создаде глобално нарушување. Сепак, Кина го одби обидот на Вашингтон за обновување на воените канали на комуникација, а како пречка за тоа ги наведе американските санкции.