Ограничување на пристапот до европските фондови и прекинување со посетите на високо ниво. Ова се мерките што ги објави портпаролот на Европската комисија, Петер Стано на брифинг во Брисел, по одбивање на владата во Приштина да ја деескалира ситуацијата.
„И покрај нашите апели, премиерот Албин Курти не презеде одлучувачки акции за намалување ан тензиите. Европпската Унија подготви низа на мерки кои може да се применат веднаш“, рече Стано.
Како што нагласи, тие мерки вклучуваат „суспензија на посетите на високо ниво, контакти, случувања, како и финансирање на соработката со Косово“.
Тој притоа потенцира дека мерките не се санкции и ќе може да бидат укинати по преземање на одредени чекори. Но, нагласи дека идентични мерки може да бидат преземени кон двете страни во дијалогот, доколку не соработуваат за намалување на тензиите.