Египет поднел барање за членство во БРИКС, изјави рускиот амбасадор во Каиро, Георгиј Борисенко. Тој додаде оти Египет сака да ја зголеми економската и трговска размена со Москва и најави оти во тек е создавање на нови механизми на плаќање во трговските трансакции.
Министерите за надворешни работи на државите членки во БРИКС – Бразил, Русија, Индија, Кина и Јужна Африка се состанаа во Кејптаун на 2 јуни, а на состанот имало претставници на уште 12 земји кои сакаат да влезат во таа организација.
Во Кејптаун биле претставници на Аргентина, Бангладеш, Коморски острови, Куба, Демократска Република Конго, Египет, Габон, Индонезија, Иран, Саудиска Арабија, Обединетите Арапски Емирати и Венецуела.
Иранскиот претседател Ибрахим Раиси, претходно, на состанок во Каракас изјави дека расте улогата на регионалните организации во формирање на нов мултиполарен свет. Тој, исто така, порача дека неговата земја е подготвена за придружување во БРИКС.
Весникот „Опинион“, повикувајчи се на свои извори, објави дека францускиот претседател, Еманујел Макрон побарал од неговиот јужноафрикански колега, Сирил Рамафоса да му дозволи да учествува на самитот на БРИКС во август.