Вишото јавно обвинителство во Белград ја презема преткривичната постапка од Првото основно јавно обвинителство против мајката на 13-годишното момче кое уби осум ученици и лице од обезбедувањето во ОУ „Владислав Рибникар“ и ги рани наставничката и уште шест ученици од кои едно девојче, кое во меѓувреме почина, објавува српски Курир.
Случајот е преземен заради концентрација на докази, бидејќи пред ВЈТ во Белград веќе се води кривична постапка против таткото на момчето.
- Против мајката се води преткривична постапка со цел да се утврди дали во нејзиното дејствие се содржани елементите на кривичното дело „Запуштање и малтретирање малолетно лице“, додека за таткото се води истрага за кривично дело „Тешки дела против општата безбедност“, и ќе се испитува и дали во неговото дејствие евентуално се стекнува со елементите на кривичното дело „Запуштање и злоупотреба на малолетно лице“ – се наведува во соопштението на ВЈТ.
Инаку, на Градскиот центар за социјална работа му е наложено да изврши дијагностичка проценка на функционирањето на семејството на момчето (13) и за ова да поднесе пријава до обвинителството, како и да утврди дали претходно наведеното семејство било во евиденцијата на тој орган.
Клучното прашање на кое мајката требаше да одговори во текот на рочиштето беше што последно и кажа синот пред да го изврши масакрот во ОУ „Владислав Рибникар“.