Разбиена моќната криминална ќелија, главно вклучена во трговија со дрога и оружје ширум Европа.
Меѓу уапсените е и нивниот лидер, државјанин на Босна и Херцеговина, кој во моментот отслужува затворска казна во Италија, од каде што, според агенцијата, ги организирал и координирал активностите на бандата.
Во меѓународна полициска акција уапсени се 37 лица поврзани со, како што се наведува, многу насилна криминална банда од Западен Балкан, соопшти Европол.
Акцијата, која опфаќа повеќе симултани рации во повеќе европски земји, била координирана од команден центар во Загреб, Хрватска, со поддршка на службеници на Европол распоредени на терен.
За време на полициската акција запленети се околу 148.000 евра во готовина, 18 парчиња огнено оружје, меѓу кои два митралези, и 500 грама ТНТ со далечински детонатори, 15 килограми кокаин, 11 килограми хероин, како и одредени количини амфетамин, марихуана и хашиш.