Вести Свет

Секои две минути во Европа исчезнува по едно дете – годишно по 250.000 деца

Невладината организација „Исчезнати деца во Европа“ (Missing Children Europe) по повод 25 мај, Меѓународен ден на исчезнатите деца, соопшти дека во Европа годишно исчезнуваат 250.000 деца, што е еквивалент дека на секои две минути исчезнува по едно дете.

Мрежата на европски бесплатен телефон 116.000 за помош за исчезнати деца минатата година примила вкупно 70.855 повици поврзани со 6.668 случаи. Мрежата обезбедува бесплатна и непосредна емоционална, психолошка, социјална, правна и административна поддршка на децата и семејствата 24 часа секој ден.

Според статистиката за 2022 година, 337 деца го напуштиле семејниот дом, од кои 283 деца биле над 14 години. Од институции избегале 1.198 деца, а најголем број се момчињата на возраст над 14 години.

Дури две третини од децата кои побегнале во рок од една недела се враќаат, но доколку не се промени ситуацијата поради која тие побегнале, шансите за повторно бегство се поголеми. Истовремено, децата кои бегаат од своите семејства или институции се изложени на зголемен ризик од трговија со луѓе и сексуална експлоатација и злоупотреба.

„Исчезнати деца во Европа“ апелира на имплементација на постоечките најдобри практики и технички можности, што подразбира воведување на систем за предупредување на пошироката јавност во случај на исчезнување на дете, како американската „АМБЕР тревога“ (AMBER America’s Missing: Broadcast Emergency Response).

Има деца кои видоа се, некои бегаа од куршуми, наставниците плачат додека предаваат – мајка на ученик со критики за одлуката за продолжување на наставата во „Рибникар“

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

ЗНАМ со повик до гласачите – гласајте масовно и изберете претседател по сопствено убедување

Дејан Дејан

Македонија на 36 место според слободата на медиумите

Дејан Дејан

Чуварите во прилепскиот затвор масовно „се разболеа“

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе