Работната група за уставни измени попладнево продолжува со работа. Се очекува да се финализираат Деловникот и Методологијата за начинот на кој ќе работат во наредните денови.
Претседателката на Работната група, Маргарита Цаца-Николовска објаснува дека нема рок во кој треба да ја изготват Иницијативата за менување на Уставот. Но, најавува дека откако ќе ги утврдат принципите, ќе ја интензивираат работата. Владата очекува да го утврдат текстот во наредните неколку недели, по што ќе биде објавен, ставен на јавна расправа и доставен до Собранието.
Во овој тим членуваат 10 експерти по уставно право и поранешни судии во Уставниот суд, 10 партиски претставници и по еден од кабинетите на претседателот, МНР и Секретаријатот за европски прашања. ВМРО ДПМНЕ не делегираше претставник и стои на ставот дека во овој парламентарен состав – уставни измени нема да има.
Соња Николовска