Цените на зеленчукот се вивнати и не се почитува никакво ограничување. Пропаднаа обидите на Владата да ги контролира цените на овошјето и зеленчукот со цел да се подостапни. Граѓаните се гневни и се чувствуваат измамено. На тетовскиот пазар во очи празникот Рамазан, тетовчани се пребројуваат што можат да си дозволат. Тезгите се полни производи, но не и нивните паричници.
И на скопските пазари граѓаните слично кометираат. Високите цени го направија зеленчукот недостапен, а килограм домати достигнува цена и до 190 денари.
Струмичките производители, пак, велат дека целиот пристап за замрзнување на цените е погрешен, бидејќи е речиси невозможно да се формира гранична цена за домашното производство додека трае сезоната.
Владата ги замрзна па ги коригираше цените на некои видови зеленчук и овошје. Така, според објавените максимални цени, килограм краставици и домати треба да се продаваат за 95 денари за килограм, но речиси да нема продажно место каде можете да ги најдете по овие цени.
Сузана Мицева