Вести Економија Топ вести

Дали ќе се раскинува договорот со “Бехтел&Енка” за над милијарда евра вредните коридори?

За договорот со „Бехтел и Енка“, лидерот на ВМРО-ДПМНЕ Христијан Мицкоски најави дека планот е да не се реализира на начинот на кој е веќе потпишан

-За договорот со „Бехтел и Енка“ има две опции. Едната е да се раскине договорот и да се оди на арбитража, да платиме стотици милиони евра и да немаме автопат, а втората е да се оптимизира договорот за што веќе имаме почетни разговори, со што би се забрзал и реализирал проектот. Ние сме повеќе за прагматичниот пристап, граѓаните да добијат автопат, но оптимиран, но ваков каков што е, потпишан од оваа влада, за жал, е во одредена мерка неприменлив поради големите правни проблеми, проблеми со експропријација и технички проблеми, рече Мицкоски денеска и порача дека како идна влада “сакаме да градиме, а не да уриваме”.

„Бехтел и Енка“ пак претходно побара од Стопанската комора, помош за да се обезбедат околу 4.000 работници и инженери кои би биле ангажирани на проектот за изградба на Коридорите 8 и 10Д. Проектот е вреден над 1,3 милијарди евра.

За другата милијарда евра, кредит по договор “влада со влада”, Мицкоски тврди дека не станува збор ниту за пари пд Унгарија ниту за пари од Азија.

Милијардата ќе биде европска, но не унгарска, објаснува Мицкоски

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Г7 ветија продолжување на поддршката за Украина и побараа прекин на огнот во Газа

Дејан Дејан

Земјоделците да се информираат за заедничката земјоделска политика на ЕУ, порачуваат експертите

Дејан Дејан

САД ѝ се заблагодари на Македонија за достигнатите 2% БДП за одбраната

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе