Велика Британија почна со печатење на новите банкноти од 10 фунти со портрет на кралот Чарлс Трети. Портретот на кралот ќе биде прикажан на сите четири полимерни банкноти во апоени од 5, 10, 20 и 50 фунти. Другиот дел од постоечкиот дизајн ќе остане ист.
Банката на Англија соопшти дека се очекува новите банкноти да влезат во оптек до средината на 2024 година.
Јавноста во Обединетото Кралство ќе може да продолжи да ги користи банкнотите со актуелниот портрет на кралицата Елизабета Втора, бидејќи новите банкноти постепено ќе ги заменуваат валканите и оштетените.