Дефинистивно учебната година ќе заврши без учебници. Додека министерот Шаќири секој месец уверуваше дека наредниот ќе се испечатат, денеска призна- учениците ќе добијат учебници дури на први септември, следната учебна година.
Учениците се сомневаат дека и годинава навреме ќе ги добијат свидителствата. Од бирото за развој на образованието уверуваат дека ќе стигнат до 10ти јуни, но без одговор дали и овој пат документите за постигнатиот успех на учениците и` ги довериле на Арберија Дизајн, компанијата која ја тресат низа скандали.
(По поднесена претставка до Комисија за жалби на СЕММ од страна на „Арберија дизајн“ на 04.05.2023.,оригиналниот текст во овој дел не е сменет, бидејќи изминатите месеци за зделки на компанијата „Арберија“ со државата имаше интензивен медиумски интерес. Претходно, Арберија не достави реакција или демант до ТВ Телма.)
Постапката е во тек и планираме на време да се испечатат свидителствата.Кога ќе заврши постапката ќе знаеме дали фирмата Арберија Дизајн ќе ги печати свидителствата“, вели за Телма Зекирија Хасипи, директор на Бирото за развој на образованието.
ИСПРАВКА НА 09.05.2023.: Минатата година учениците ги чекаа свидетелства и не ги добија на време, а тендерот од 13 милиони денари го доби компанијата Арберија Дизајн. Свидителствата беа поделени наместо во јуни, во август. Арберија во август лани ја организираше прославата за одбележување на рамковниот договор.
(По поднесена претставка до Комисија за жалби на СЕММ од страна на „Арберија дизајн“ на 04.05.2023.,оригиналниот текст е сменет. Претходно, Арберија не достави реакција или демант до ТВ Телма. Оригиналниот дел на кој е направена исправка: Минатата година учениците ги чекаа свидетелства и не ги добија на време бидејќи компанијата Арберија Дизајн која се понуди и победи на тендерот вреден 13 милиони денари организираше прослава за одбележување на рамковниот договор.)
Симона Петровска