Вечерва повторно ќе протестираат роднините и пријателите на семејството на малата Јана Христовска, која почина по примена инфузија во битолската болница.
Тие велат дека ќе го изразат својот револт против неправдите во здравството, незадоволни од наодите на Комисијата за стручен надзор на МЗ и вонредниот надзор на ДСЗИ, без да ги земат предвид изјавите на родителите.
Велат од протестот ќе се повикаат сите членови на двете тела јавно да одговорат на прашањата на стручната и нестручната јавност за смртта на шестгодишното девојче.
Јана почина на 21-ви март на детското одделение во битолската болница откако прими инфузија, а вредноста на шеќетот во крвта и се покачил од 9 на 19 единици. Потоа девојчето западна во кома, а лекароте не можеле да ја спасат.
Родителите се сомневаат во лекарска грешка, а обвинителството го очекува обдукциониот наод по што ќе донесе одлука дали ќе покрене обвинение.