Поранешниот претседател на САД, Доналд Трамп, пристигна во Њујорк каде денеска треба да се соочи со кривично обвинение, прво покренато против поранешен претседател на САД.
Неговите адвокати велат дека тој категорично нема да се изјасни за виновен за обвиненијата поврзани со неговото плаќање на 130.000 долари на порноактерка непосредно пред неговата победа на претседателските избори во 2016 година, за да ја замолчи за нејзиното тврдење за наводен обид со него една деценија порано.
Официјални лица запознати со обвинението информираат дека големата порота минатата недела го обвини 76-годишниот поранешен претседател за повеќе од 30 основи за кривично дело.
Обвинението останува запечатено, а точната содржина во него, а, а можеби и придружните докази, ќе останат тајна додека обвинението не биде јавно обелоденето на судењето на Трамп што почнува денеска, а кое ќе го води судијата Хуан Мерчан во Врховниот суд на државата Њујорк.
На Трамп најверојатно ќе му се земат отпечатоци како и на секој обвинет за криминал. Но, властите велат дека во знак на почит кон неговата позиција како поранешен претседател, тој веројатно нема да биде врзан со лисици или да парадира пред фотографите.