Руските обвинители денеска и официјално ја обвинија 26-годишната Дарја Трепова за терористичко злосторство поради убиството на рускиот воен блогер, Владлен Татарски во експлозија на бомба во кафе-бар во Санкт Петербург.
Татарски, кој беше приврзаник на руската воена кампања во Украина и чие вистинско име е Максим Фомин, беше убиен во неделата при експлозија на бомба во кафе-бар во кој требаше да говори.
Истржниот комитет, кој се фокусира на тешки злосторства, соопшти оти Трепова се товари за „терористички акт на организирана група кој предизвикал намерна смрт“. Притоа е соопштено дека таа делувала по инструкции на луѓе кои работеле во име на Украина.
Трепова е префрлена од Санкт Петербург во Москва, каде попладнево се очекува да ѝ биде одреден истражен затвор.
Во експлозија во кафуле во Санкт Петербург убиен познат руски воен блогер