Руски борбен авион Миг 31К, носач на хиперсонична крстосувачка ракета од типот Кинџал, повторно предизвика предупредување по полетувањето од базата Мачалушчи која се наоѓа на 15 километри од белорускиот главен град Минск.
Авионот засега врши демонстративни дејства во придружба на три ловци Су-27 и Су-30. Поради тоа, но и поради утринските напади на територијата на цела Украина, повторно е прогласена опасност од воздушни удари.
Русија ги потврди украинските наводи дека во знак на освета за нападот во Бријанск на 1 март, употребила шест хиперсонични ракети ракети Кинџал (тип Х47М2).
Хиперсоничната крстосувачка ракета има боева глава која може да биде конвенционална или нуклеарна од 100 до 500 килотони. Максималниот радиус на летот на ракетата е 3.000 километри. максималната брзина е 10 до 12 маха, а од целта може да отстапи 1 метар.