Двајца од четворицата американски граѓани киднапирани во Мексико се пронајдени живи и веќе се вратени во САД, но останатите двајца се мртви, соопштија вчера мексиканските и американските власти.
Четворицата американски државјани, идентификувани како Зиндел Браун, Ерик Џејмс Вилијамс и роднините Латавија „Теј“ Мекги и Шаде Вудард, беа киднапирани на 3 март во градот Матаморос, во североисточната мексиканска држава Тамаулипас, за Латавија да направи естетска операција. Но, кратко по пристигнувањето во градот, поеќе неидентификувани лица им го пресретнале патот и отвориле оган кон нивното возило. Откако мексиканските власти успеале да ги лоцираат, утврдиле дека Зиндел Браун и Шаде Вудард биле убиени, додека Џејмс Вилијамс и Латавија Мекги биле спасени и вратени во САД.
На видеото кое беше објавено следниот ден се гледа како вооружени лица, опремени со тактички елеци и автоматско оружје, ги качуваат Американците во пикап камионет. На видеото исто така може да се види и дека Зиндел Браун и Шаде Вудард загинале во нападот и напаѓачите ги качуваат нивните тела на камионетот.
Just the usual dragging of bodies after a cartel shootout in broad daylight, today in Matamoros.#Mexico #Narcostate #FailedState pic.twitter.com/bfWwNgjBcB
— David Wolf (@DavidWolf777) March 4, 2023