Поранешната шефица на Обвинителството за гонење организиран криминал Вилма Русковска и двете нејзини колешки Ивана Трајчева и Елизабета Јосифовска, денеска и лично дале исказ пред комисијата во обвинителството и предложиле докази како одговор на тезите на државниот обвинител Љубомир Јовески, кој бараше да одговараат за тешка дисциплинска повреда за претресот во Финансиската полиција.
Русковска го предложила професорот по кривично право Гордан Калјаџиев за сведок, но комисијата не дозволила да го каже своето стручно мислење на обвинувањата против неа дека сторила повреди на кривичната постапка. Калајџиев за Телма потврди дека утрово дошол во обвинителството, но бил вратен.
Со оглед на тоа што исходот од постапката може да биде и разрешување, професорот смета дека требало да се дозволи сведочењето.
Калајџиев вели дури и очекувал да биде одбиен поради неговите јавно искажани ставови дека обвинителките не го повредиле законот.