Немавме илузии дека за кратко време ќе се успееме да ги зголемиме капацитетите на локалните самоуправи како што би посакувале и таквиот реализам беше затоа што не можевме да ги зголемиме капацитетите ниту на централната власт, а камоли на локалната, рече Трајко Славески, претседавач со Советот на Град Скопје и член на Управниот одбор на ЗЕЛС.
„За жал, капацитетите на централната власт, на министерствата, се дерогирани до тој степен што, како што може да се види и од изјави на самите министри, реализација проекти и спроведување на програмите и на централната власт не се ниту оддалеку на нивото на кое беа во годините 2007, 2008, до некаде, да речеме, 2012, 2013 година. Проблемот, како прво е кадровски, со средствата и ресурсите да бидете атрактивни како општина, особено со специфичните кадри како правници, ИТ, архитекти и од тој аспект општините имаат огромен проблем. Вториот проблем не е само она техничко-финансиско прашање, туку и политичко“, истакна Славевски.
Ако се делегираат надлежности на локалната самоуправа, за тоа треба да се обезбедат средства, смета Славески.