Белите мантили утре на протест пред јавните здравствени установи ќе го изразат незадоволството поради тоа што им доцнеше исплатата на јануарската плата, а ќе бараат и потпишување на колективен договор со кој би се зголемил регресот за 3.000 денари на здравствени работници со средно, вишо и високо образование и 2.000 денари за останатите работници.
Се договориле за линеарно покачување, но ни тоа не го добиле. Синдикатот на Клинички побара од Владата да ги викнат на состанок и да се договорат кои би биле следните чекори и како би се реализирале покачувањата, со оглед на најавеното зголемувањето на минималната плата од месец март.
Здравствените работници се револтирани бидејќи им доцнеше јануарската плата. Поради хакерскиот напад на системот на Фондот за здравствено осигурување на 7 февруари, дури вчера почна исплатата на јануарската плата. Од фондот пак најавија дека најдоцна за 2 дена ќе ја добијат платата за месец јануари, но досега 7 клиники останале без исплатени плати.
Симона Петровска