Уплатно-исплатните места, во кои се приредуваат игри на среќа, да бидат на поголема оддалеченост од 500 метри од основни и средни училишта, се вели, меѓу другото, во предложените измени и дополнувања на Законот за игри на среќа и забавни игри кои ги достави Министерството за финансии, а попладнево беа утврдени на 127-та седница на владата.
„Со цел заштита на младата популација измените иОбло дополнувањата се предлага деловните простории, односно уплатно-исплатните места во кои се приредуваат игрите на среќа да бидат на оддалеченост не помалку од 500 метри од основни и средни училишта. Со постојниот закон не е утврдена оддалеченоста на деловните простории во кои се приредуваат игрите на среќа од основни и средни училишта, односно не го утврдува ваквиот критериум“, се вели во соопштението од владината прес-служба. Исто така, меѓу целите на предложените измени се посочува на потребата од зајакнување на доказите потребни за издавање на лиценци, како и прецизирање на тоа дека едно трговско друштво со една лиценца, приредува еден вид на игра на среќа. А се зголемуваат и надоместоците за издавање лиценци за игри на среќа.