По разорниот земјотрес кој утринава ги погоди Турција и Сирија, Телма побара одговори од сеизмолозите за тоа дали овие потреси може да предизвикаат одредени последици и на Балканскиот полуостров.
- Активноста на овој расед се должи на напрегањата меѓу африканската тектонска плоча, којашто се приближува кон север и субдукцијата, односно приближувањето на арабискиот полуостров кон север и ероазиската тектонска плоча. Сите овие придвижувања на овие три тектонски плочи ги предизвикуваат земјотресите не само во Турција, туку и на Балканот. Овие напрегања коишто се ослободуваат од источноанадолскиот расед, бидејќи е исклучително силен земјотересот ќе имаат одредено влијание на околните тектонски блокови, но тоа не се одвива така брзо, потребно е време за да настане распределба на овие напрегања, изјави за Телма Драгана Черних-Атанасовска, раководител на Сеизмолошката опсерваторија при Природно – математичкиот факултет во Скопје.
Нашиот репотер Петар Догов разговараше со Драгана Черних-Атанасовска
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.