Македонското министерство за внатрешни работи соопшти дека во катастрофалниот земјотрес во Турција повредени се двајца македонски ученици кои преку програмата „Еразмус плус“ престојуваат во Турција.
МНР потврди дека 9 наши државјани се во Турција, 8 ученици и нивен ментор/наставник.
„Како последица од земјотресот, двајца од учениците се здобиле со телесни повреди: едниот ученик е со потешки повреди – скршеница на која во моментов работат медицински лица и е во фаза на санирање – додека вториот ученик е со полесни повреди. Ниту еден од учениците и Менторот не е во животна опасност“ – соопшти МНР.
Министерството нема иформации за други наши државјани кои се во загрозена состојба или на кои им е потребна помош, но македонските претставништва континуирано комуницираат со надлежните турски институции, како и наши граѓани кои информираат за состојбите на терен.
Истовремено, дипломат од Амбасадата во Анкара веќе е упатен во регионот да помогне во евакуацијата на учениците од градот Кахраман Мараш.