Обврската за промена на регистарските таблички со ознака МК со ознака NMK е до 12 февруари во 2024 година, се вели во денешното потсетување на Министерството за внатрешни работи (МВР) до граѓаните и правните субјекти.
Од МВР соопштуваат дека, согласно член 27 став (1) алинеја 5 од Законот за возила и согласно член 28 од Правилникот за форма и содржина на образецот на барањето за издавање на пробните таблици, формата и содржината на регистарските таблици и на пробните таблици, како и начинот и постапката на нивно издавање, сите сопственици на регистрирани возила се должни да ги заменат регистарските таблици кои ја содржат буквената ознака ,,МК”, издадени до денот на отпочнување со примена на овој правилник (15.01.2021 година), односно таквите таблички можат да се употребуваат најдоцна до 12.02.2024 година.