Германскиот канцелар Олаф Шолц одлучи да испрати тенкови „леопард 2“ во Украина и да им дозволи на другите земји да го сторат истото, објавија синоќа германските медиуми, но за сега се уште нема и официјално соопштение од германската влада.
Претходно, Полска официјално побара одобрение од Берлин за извоз на тенковите, а германската Влада најави дека ќе одговори на ова прашање што е можно поскоро. Испраќањето на овој вид на тенкови било тема на разговор и меѓу генералниот секретар на НАТО, Јенс Столтенберг и германскиот министер за одбрана Борис Писториус.
Столтенберг по средбата изјави оти е убеден дека Алијансата наскоро ќе најде решение за испораката на борбени тенкови на Украина.