Поради големиот притисок на вода, повторно попушти старата главна водоводна линија еден. Пет часа се одвиваше санацијата на пукнатата цевка и местењето на сигурносниот вентил. Без вода беа жителите од повисоките штипски населби.
Водоснабдувањето низ повисоките зони во Штип се очекува да се нормализира доцна попладне. Техничка вода за пиење од цистерни на Противпожарната единица имаше на три пункта. Старата водоводна мрежа е еден од главните проблеми на градот Штип и претходната и актуелната власт се на став дека средствата од над еден милиони евра од самопридонесот треба да се искористат за санација на дел од мрежата.
Според пресметките од пред речиси две години за Штип да има нормално водоснабдување преку замена на старата главна линија потребни се не еден, туку неколку милиони евра.
Викторија Јованова