Пет училишта во Кавадарци утрово добиле закани за поставени бомби, информира Ристе Самарџиев, портпарол на СВР Велес.
„Денеска околу седум часот во Полициска станица Кавадарци било пријавено дека на електронска адреса на пет училишта, две средни и три основни во Кавадарци е упатена закана за поставена експлозивна нaправа. Веднаш по добиената пријава, од полициски службеници се преземени мерки за безбедно евакуирање на училиштата и во тек се антитерористички проверки и се преземаат мерки за расчистување на случајот“, информира Самарџиев.
За дојавите за поставени бомби во две средни и три основни училишта во Кавадарци информира и градоначалникот Митко Јанчев. Како што наведува Јанчев во постот, евакуирани се учениците од ООУ ,,Тоде Хаџи Тефов’’ во Кавадарци и подрачно училиште во село Бегниште, ООУ ,,Димката Ангелов Габерот’’ во Кавадарци и подрачното училиште во село Сопот, ООУ ,,Страшо Пинџур“ во Кавадарци и подрачните училишта во селата Марена, Возарци и Дреново, СОУ Гимназија ,,Добри Даскалов’’ Кавадарци и СОУ ,,Ќиро Спанџов Брко’’.
