Сопственикот на мерцедес поврзан со инцидентот на синот на заменик министерот Назим Буши не кажувал на полицијата кој бил возачот, Спасовски убеден дека не е синот на неговиот заменик
Министерот за внатрешни работи Оливер Спасовски по посетата на СВР Скопје, на прашање на Телма за случајот кој го објавивме, а поврзан со инцидент и нелегална употреба на флешери од синот на заменик министерот Назим Буши, вели дека досегашната истрага не утврдила такво нешто туку дека станува збор за возило на приватна фирма.
Спасовски и натаму тврди дека имало многу шпекулации за случајот.
-Се утврди дека пријавата доаѓа од граѓанин упатена на број, се утврди патничко возило мерцедес кое не е во државна сопственост или на некое министерство, туку на приватна фирма, а возилото било упатено според нашите сознанија кон приватна болница, рече Спасовски.
Од друга страна, сопственикот на возилото не сакал да им каже на полицајците на кого му го дал мерцедесот, па Спасовски најави дека полицијата во истрагата на друг начин ќе открива кој бил возачот со флешери.
Повеќе во вестите на Телма во 15:30, 18:30 и 21:30.