По жетвата на оризот, Кочанско поле повторно во пламен. Стрништата се оставаат во текот на ноќните часови неконтролирано да горат. Старите земјоделски навики продолжуваат и покрај бројните апели на пожарникарите, но според оризопроизводителите ова е единствениот начин да ги исчистат нивите и да ги подготват за нова сеидба.
Информирани се за новите медоти за подготовка на нивите пред жетва, но велат немаат пари да купат машини.
Земјоделските експерти апелираат да се користат новите методи, наместо да се палат страништата, но се согласни дека земјоделците немаат современи машини кои се скапи.
Додека оризопроизводители ги палат стрништата, пожарникарите секојдневно се на терен, во овој период 80 отсто од пожарите се на отворено, но алармираат дека додека сите сили, возила и опрема им се низ нивите може да се случи да не можат навреме да пристигнат на опожарен објект во градот Кочани.
Викторија Јованова