Неслучаен е моментот кога во бројни училишта пристигнува дојава за подметната бомба, оценуваат дел од експертите за безбедност

Лажните дојави за подметнати бомби секаде каде што има маса народ се еден вид субверзивна војна која е на ниво на терористички акт. Предизвикува вознемирување, што е главна цел на терориститите. Ова е ставот на експертот од областа на безбедноста, Владимир Пивоваров, кој смета дека треба да се заостри и казнената политика кон сторителите на ваквите дела.

Овие дојави во скопските училишта се случуваат во момент кога се одлучуваат важни политички прашања во земјава, а тоа според проф. Пивоваров – не е случајно.