Еколошки фонд или фонд за животна средина кој ќе се полни преку еколошките такси и даноци што ги плаќаат граѓаните и компаниите, но и преку изречените казни за загадување на животната средина, комунални прекршоци, дивоградби, дива сеча и прекршоци со кои се уништува животната средина. За тоа водам борба секоја година во буџетот, без разлика дали е пандемија, криза за храна, војна во Украина или енергетска криза, најави министерот за животна средина и просторно планирање, Насер Нуредини во вечерашното издание на „Топ тема“ на Телма ТВ.
„Парите од еколошкиот фонд би биле наменети исклучиво за инвестирање во обновливи извори на енергија и напуштање на класичните методи на производство на струја и загревање на домовите“, истакна Нуредини.
Министерот за животна средина, Насер Нуредини и Невена Георгиевска од „О2 Иницијатива“ на иста линија – фондот мора што побрзо да се формира, а паритеод наплата на еколошки такси казни и даноци, наместо во буџетот да се трансферираат во тој фонд.