Дел од вработените во ЈП Водовод и канализација Скопје утрово од новото раководство на јавното претпријатие добиле прераспределувања на работните места со задолженија без право на приговор и без право на жалба што е спротивно и на законот и на колективниот договор и на Уставот на државата реагираат од Синдикатот на работниците од угостителството, туризмот, комунално-станбеното стопанство, занаетчиството и заштитните друштва.
Од таму додаваат дека новиот в.д директор кој е нивен досегашен колега веднаш започнал со тортура, освета и притисок од само нему познати причини. Од синдикатот информираат дека веќе се поднесени пријави до државниот инспекторат за труд и се разгледува можноста за штрајк со една цел, зачувување на работните места и спречување на самоволието на новиот в.д директор.
Од КСОМ пак побараа средба со градоначалничката за решавање на проблемот околу најавата дека на стотина ангажирани во водовод со договор за дело нема да им го продолжи договорот и доколку не се реши проблемот најавуваат блокада на Скопје.