Досегашната шефица Вилма Русковска заминува, сегашниот привремен раководител Трајче Пеливанов не открива дали ќе кандидира, а дел од останатите обвинители ги одвраќа дисциплинската против Русковска. Тивка е трката за шеф на одделението за борба против корупција и организиран криминал, позиција која Русковска ја испразни. Нејзината заменичка, обвинителакта Ивана Трајчева останува посветена на предметите и нема да влезе во трката.
Во некои други околности може и ќе размислував на таа тема, но во овој момент не размислувам, кусо одговори Трајчева прашана дали ќе се бори за шеф на обвинителството.
Коментарите кои кружат во обвинителските кругови се дека никој не сака да се нафати на оваа позиција бидејќи ова одделение не се засили со кадар, и стручни соработници ниту, пак, ја доби финансиската инјекција за сериозна борба против највисокиот криминал. Дополнително на удар се најде и досегашната шефица која доби решение за оддалечување од позицијата и во процедура за дисциплинската против неа.
Русковска, се уште го чека исходот дали ќе го добие мнозинстовото гласови во советот на јавни обвинители и да биде избрана во републичкото обвинителство. Процедурата за избор на двајца обвинители за застапување на предметите пред Врховниот суд треба да се заврши наредната седмица.
Кандидите за шеф на организиран ќе можат да се пријавуваат од среда натаму. За прв пат обвинителите само ќе избираат шеф во ова одделние, но со оглед дека над 50 од вкупно 169 се дел од скопкото обвинителство останува прашањето дали ова најдоминантно крило ќе кандидира обвинител. Сегашниот шеф, Гаврил Бубевски негира дека ќе влезе во трката за наследник на Русковска.
Павле Беловски