По лавината бурни реакции, министерката за култура на својот Фејсбук профил ја дообјаснуваше пораката до авторите, „да творат во духот на она што ќе го раположи народот и публиката“.
Доколку изјавата која денес е цел на „слободни” толкувања, повредила чувства, порив, мотив и обиди за творење, жал ми е. Намерата апсолутно не е да се насочува или ограничува, напротив, мојата интенција секогаш била и ќе биде поддршка на слободната мисла и изразување, напиша Костадионовска-Стојчевска.
Во фејсбук објавата потенцира дека како министерка, сѐ додека е на таа позиција, нема да има цензура во ниту еден проект поддржан од Министерството за култура.