За работните групи во рамките на Отворен Балкан во Тирана отиде македонска Владина делегација предводена од заменик на претседателот на Владата задолжен за економски прашања, координација на економските ресори и инвестиции Фатмир Битиќи, ќе имаат интензивни работни средба за детална координација со цел заедничко справување со кризата со недостаток на храна и струја, како и за ризиците од пожари во текот на летото.
Освен вицепремиерот Битиќи, во владината делегација се и министерот за економија Крешник Бектеши, министерот за информатичко општество и администрација Адмирим Алити, заменик-министерот за финансии Филип Николоски, заменик-министерот за земјоделство шумарство и водостопанство Абдулшуќур Абедини, националните координатори за Отворен Балкан Марјан Забрчанец и за регионална соработка Нола Исмајлоска, директорите на Центарот за управување со кризи и на Дирекцијата за заштита и спасување, како и советниците и раководители на сектори.
На средбите ќе се дефинира и начинот за отстранување на работни дозволи како и за начинот на активирање на идентификациски број на граѓаните на Отворен Балкан.
Заклучоците од средбата ќе бидат презентирани во јавноста на крајот на работните средби на прес конференција во вторник.