Полициски службеници од СВР Штип ги лишиле од слобода С.Ш.(38) и Д.Ш.(36), во чиј дом е пронајдена марихуана.
Како што информира денеска МВР, лицата биле лишени од слобода вчера попладне во 17:30 часот. При претрес во нивниот дом, извршен со судска наредба, биле пронајдени и одземени саксија со канабис, исушени листови од канабис, дробилка, боев куршум за автоматска пушка и други предмети кои потекнуваат од кривично дело.
По целосно документирање на случајот, против нив ќе биде поднесена соодветна пријава.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.