-Нека навредуваат, а Вие ако се вртите, како што рекол еден голем човек, на секое куче што Ве лае нема да стигнете на целта.
Вака опозицискиот лидер се осврна на како што ги нарече дејствата на спотери и полуги на власта кои го навредуваат лично него и партијата, како и за судските пресуди кои според него служат за да ја дефокусираат јавноста од економската криза во Македонија.
Негова цел е да успее да ја урне од власт коалицијата на СДСМ и ДУИ со предвремени избори. Конфискацијата на белата палата преку процесот Талир 2, Мицкоски ја оцени како противзаконски напад врз партијата која не била ниту обвинета во истиот предмет.
На прашањето дека кривичното законодавство предвидува одземање на се што е имотна корист од криминал и кривично дело- Мицкоски оцени дека тоа не е докажано. Делот на партијата е криминален, а на Бетон не е, се прашува тој како е можно.
Партијата подготвува жалба на Апелација, а своите аргументи Мицкоски ги нареди во 10 точки со кои смета дека станува збор за политички, а не за судски случај и дека судот не ги зел во предвид околностите кои одат во корист на партијата. Пред протестот наредната сабота, Мицкоски оцени дека власта преку блиски луѓе и институции лично го навредува како и партијата затоа што нема еконосмки резултати и си го топи рејтингот.
За доскорешниот коалиционен партнер Стевче Јакимовски од Гром вели нека му е со среќа и нека се размавне сам во опозиција. Не одговори директно на прозивките на Јакимовски за притисоци и закани за дозволи за згради наводно дојдени од лидерот на ВМРО-ДПМНЕ ниту пак одговори на навредите од градоначалникот на Карпош.
Лидерот на ВМРО-ДПМНЕ рече дека пратениците од СДСМ и ДУИ побегнале како кукаквици од вчерашната анкетна комисија за права на граѓаните за да не расправаат за жртвите во трагедиите со тетовската модуларна болница и автобусот на Беса транс.
Миомир Серафиновиќ