Два дена по ред полицијата испрати специјалци во Арачиново во акции по угостителски објекти и потрага по оружје.
Акциите започнаа откако медиумите објавиле дека полициска патрола била набркана, но МВР негираше затоа што нивната внатрешна контрола утврдила дека полицајци не пишале казна на 17-годишен жител кој немал документи.
Првата акција беше реализирана во саботата наутро, а втората, ноќта сабота кон недела.
Во полициска акциска контрола во угостителски објекти на подрачјето на скопско Арачиново, вчера е лишен од слобода А.Д.(40), вработен во еден од локалите.
Полициски службеници од СВР Скопје – Единица за недозволена трговија, Единица за интервентна полиција, Одделение за Потраги и Одделот за специјални полициски операции во извршената контрола кај него пронашле пиштол „ТТ” и рамка со осум куршуми.
– Тој е приведен во полициска станица и по документирање на случајот против него ќе биде поднесена кривична пријава по чл. 396 од Кривичниот законик, соопштија денеска од МВР.
Инаку, во рамки на акциската контрола бил извршен преглед на 54 лица затекнати во угостителските објекти и 11 возила.
МВР испрати специјалци во Арачиново, уапсени двајца, трет осомничен за закани кон веб медиум