Во услови на скапи пари се одржа 29-то Собрание на АЦИ Македонија, здружение на финансиски пазари на кое членовите избраа нов претседател. Тоа е Весна Трајковска од Комерцијална банка која на ова Собрание истакна дека живееме во време кога глобалните економии и натаму се соочуваат со големи предизвици.
Како професионалци преку современите информациони системи ги следиме секојдневно случувањата од економскиот и политичкиот свет кои се клучни за движењето на валутите, каматите, индексите, приносите на обврзници, вели Трајковска
Основна цел на здружението е унапредување и поголема афирмација на финансиските пазари во земјата и на професијата девизен трговец.
Традиционално и на ова собрание се одржа дебата на која соговорниците дискутираа за тоа што ќе се случува и во која насока ќе се движат каматните стапки на главните економии во светот ФЕД и ЕЦБ.