На полноќ истекува рокот за увид во Избирачкиот список како и за пријавување на гласачите во дијаспората, но заклучно со петокот, за гласање во странство се пријавиле само 1.547 лица.
Од Обединетата македонска дијаспора вчера се пожалија на социјалните мрежи дека линкот за пријавување не функционира и покажува дека пријавувањето е завршено на 11-ти март. Обвинија за кршење на уставот и Изборниот законик од страна на ДИК и побараа проблемот да биде отстранет, како и да се продолжи рокот за регистрација. Линкот денеска функционира.
Што се однесува на Избирачкиот список, преку електронски пат, според последните податоци се провериле 22.122 граѓани. Поднесени се 25 барања за промена на податоци, шест барања за бришење на податоци и 10 барања за запишување на податоци во Избирачкиот список.