„Досегашните три пакети мерки во вредност од над 1,4 милијарди евра со кои Владата се справуваше со енергетската и со ценовната криза во земјава, во одреден дел влијаеле позитивно врз доходот на домаќинствата, но на почетокот, кога повеќето од мерките беа нетаргетирани, најголема корист имале најбогатите“, покажува анализата на ефектите од мерките која што ја направи Институтот за економски истражувања и политики „Фајненс тинк“.
Во најновиот извештај за политиките на прашањето „Дали владините мерки за справување со кризата со цените на храната и енергијата ги заштитија граѓаните?“, се препорачува што поскоро елиминирање на нетаргетираните антикризни мерки, најдоцна до крајот на оваа 2024 година.
Се наведува и дека откако ќе заврши замрзнувањето на цените на прехранбените производи, истото треба постепено да се замени со употреба на механизмите на антимонополското законодавство. Покрај тоа, се препорачува и потесно калибрирање на доходните мерки, особено во изборна година.