Скопски „Водовод“ преку објава на ФБ профилот информираше дека поради интервенција утре попладне во речиси цело Скопје нема да има редовно снабдување со вода.
-Утре од 17 часот ќе се врши интервенција на главната водоводна цевка Ф1600 мм во Рашче. Поради тоа, намален притисок или прекин на водоснабдувањето ќе има во најголемиот дел од главниот град, соопштија од Водовод.
Без вода ќе остане и Клинички центар, а прекинот во водоснабдувањето ќе го почувствуваат и жителите на Аеродром, Центар, Карпош, Арнакија, Сарај, Чаир, Кисела Вода, Глумово, Горна Матка, Долна Матка, Ѓорче Петров, Влае, Жданец, Нерези, Усје, Пинтија, Драчево, Батинци, Студеничани, Моране, дел од Гази Баба, Скопје Север, Топанско Поле и Автокоманда.
Не е објавено колку ќе трае прекинот во редовното водоснабдување. Станува збор за завршна интервенција во санирањето на големата водоводна цевка од која се снабдува главниот град. Интервенцијата трае веќе две недели.