Во штипските градинки недостасува и стручен и технички персонал. Од Општината велат дека во двете детски градинки и во нивните девет клонови недостасуваат околу 50 воспитувачки и негувателки. Според анализите на Секторот за образование во Општина Штип, најзагрижувачки е во градинката „Астибо“, каде што не се пополнети 35 работни места за овој стручен кадар, додека во градинката „Вера Циривири-Трена“ има потреба од 12 стручни лица.
Во градинките не се пополнуваат и местата за хигиеничари и кувари, а за стручниот кадар, односно воспитувачки и негователки проблемот е и во тоа што не можат да добијат лиценци.
За проблемот со недостатокот на кадар во детските градинки неколкупати алармираше општината, а слична е состојбата и во други градови на истокот.
Викторија Јованова