Генералниот секретар на НАТО, Јенс Столтенберг почна со официјалчните средби во рамките на турнејата на регионот. Од Сараево порача дека е загрижен поради русакото влијание во регинот и сецесионистичката реторика. На лидерите на Босна и херцеговина им порача дека државата ја има поддршката на Алијансата во евроатлантските ингерации, а тие мора да го зајакнат единството во државата и да продолжат со реформите. Столтенберг утре пристигнува во Скопје за кога е предвидена средба со државниот врв и обраќање пред парламентот додека во среда во Скопје ќе се сретне со премиерите на Албанија, Словенија и Црна Гора и со претседателот на Хрватска.
Генералниот секретар на НАТО, Јенс Столтенберг ја почна неколкудневната турнеја на регионот во рамките на која ќе ги посети Сараево, Приштина, белград и Скопје и ќе се сретне со државниот врв на сите поранешни југословенски републики. Првата станица е Сараево каде што Столтенберг слета вчеравечер а тоа е и прва официјална посета на Босна и Херцеговина. Веднаш по пристигнувањето, тој одржа работна вечера со членовите на Претседателството на Босна и Херцеговина.
Утрово, генералниот секретар на НАТО имаше состанок со Бојана Кришто претседавач на Советот на министри на Босна и Херцеговина на која тој Столтенберг соопшти дека се разговарало за безбедносната состојба во државата но и во регионот.
На прес конференцијата ја нагласи недвосмислената поддршка на Алијансата на Босна и Херцеговина во евроатлантските интеграции и на безбедносен план, порача дека политичките лидери во државата мора да работат на зацврстување на единството и напредокот.
Тој предупреди дека е загрижен поради сецесионистичката реторика и руското влијание како во државата така и во регионот и ја нагласи важноста на зачувување на стабилноста во западниот Балкан.
Од Сараево, генералниот секретар продолжува во Приштина каде ќе се сретне со претседателката Вјоса Османи и со премиерот Албин Курти
Столтенберг утре доаѓа во Скопје во дводневна официјална посета на Македонија. За утре се предвидени средби со државниот врв, претседателот Пендаровски, премиерот Ковачевски и спикерот Џафери а предвидено е и негово обраќање во Парламентот.
Во среда пак, во Скопје, генералниот секретар на НАТО ќе има средби со премиерите на Албанија, Словенија и Црна Гора, Еди Рама, Роберт Голоб и Милојко Спајиќ како и со претседателот на Хрватска, Зоран Милановиќ.
Огнен Чанчаревиќ