Поранешната прва дама на САД, Розалин Картер почина денеска на 97-годишна возраст. Таа беше најблиска советничка на Џими Картер за време на неговиот мандат како претседател на САД и хуманитарна работничка во текот на четири децении.
„Картер Центар“ соопшти дека Розалин Картер починала по неколкумесечно нарушенo здравје и долгo боледување од деменција во нејзиниот дом во јужна Џорџија.
Семејството Картер во мај оваа година соопшти дека поранешната прва дама има деменција, но продолжува да „живее среќно во куќата во Плејнс, Џорџија“.
Џими и Розалин Картер се венчале во 1946 година кога тој имал 21 година, а таа 18 и биле во брак повеќе од 77 години. За разлика од многу претходни први дами, Розалин присуствуваше на состаноците на кабинетот, зборуваше за контроверзни прашања и го претставуваше нејзиниот сопруг на патувањата во странство. Џими Картер беше претседател на САД од 1977 до 1981 година.