Поранешниот британски премиер, Дејвид Камерон е нов министер за надворешни работи. Тој доаѓа на местото на Џејмс Клеверли, кој стана министер за внатрешни работи. Претходно беше разрешена досегашната министерка за внатрешни работи, Суела Брејвер-Ман, а како официјална причина беше наведена реконструкцијата на владата.
Во објава на социјалната мрежа Икс, Камерон напиша дека со задоволство ја прифатил понудата на премиерот Риши Сунак да служи како министер за надворешни работи. Камерон пишува дека не се согласувал со некои одлуки на премиерот Сунак, но вели дека е способен и силен премиер, кој покажува примерно лидерство во тешко време.
„Сакам да му помогнам да ја испорача безбедноста и просперитетот што ѝ треба на нашата земја и да биде дел од најсилниот можен тим што му служи на Обединетото Кралство“, напиша Камерон на социјалната мрежа Икс.