Патнички авион кој леташе на релација Сочи – Омск во Русија, принудно слета во нива во областа Новосибирск. Никој од 170 патници, меѓу кои имаше 23 деца, и членови на екипажот не беше повреден при операцијата на принудно слетување.
„Сите патници беа евакуирани. Никој не е повреден. Немаше оштетување, ниту уништување на авионот, на зградата, ниту на структури на земјата“, соопштија од Државната управа за итни ситуации за регионот на Новосибирск.
Руското обвинителство почна истрага за причините за принудното слетување на авионот на компанијата „Урал Ерлајнс“.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.