Одговорност од инволвираните и надлежните, правда за жртвите, ефективни затворски казни и информации за текот на истрагата од Обвинителството. Ова се клучните барања кои беа испоарачани на денешниот протест пред Владата, втор по ред, организиран од неформалното здружение на социјалната мрежа „Фејсбук“ – „ Протест против убиството на онкологија“.
Стотици граѓани, но и активисти од една политичка партија, дојдоа да го изразат својот револт од скандалот на Клиниката за Онкологија, и манипулациите со терапијата на теко болните пациенти и порачаа дека во овој случај вината не смее да биде како во случајот со модуларната болница во Тетово.
Со црвена боја на булеварот пред Владата беше напиушан зборот одговорност, а на тротоарот беше оставена торба со „крвави пари“.
Пред пресутните се обрати и Даријан Петров, чија мајка во 2020 година ја загубила битката со канцерот. Тој порача дека треба болката да се трансформира во борба за подобро утре, подобар систем и здрави вредности.
Учесниците на денешниот протест потоа се упатија пред зградата на Јавното Обвинителство, фрлаа со јајца по фасадата и испишаа порака во која бараат правда.
Огнен Чанчаревиќ