За три месеци, втора посета на германскиот специјален пратеник за Западен Балкан, Мануел Сарацин.
Дводневниот престој почна со средба со претседателот на Собранието Талат Џафери. Во текот на денот ќе се сретне со претседателот на ВМРО-ДПМНЕ Христијан Мицкоски и со пратеници, а утре со владини претставници и со премиерот Димитар Ковачевски.
Очекувано е разговорите да бидат посветени на евроинтеграциите на Македонија, но и на условите што треба да се исполнат на тој пат.
Сарацин беше во Македонија во јуни. Порача дека уставните измени се услов за интеграција на земјата во ЕУ и дека нереално е да се очекува повторно отварање на Преговарачката рамка.
Утре Сарацин ќе учествува на регионален настан за „Унапредување на Берлинскиот процес преку парламентарна демократија“. Клучно излагање ќе има германскиот министер за надворешни работи Михаел Рот, кој исто така доаѓа во Скопје. Посетите говорат за засилена дипломатска офанзива поврзана со уставните измени и немањето дво-третинско мнозинство за првата фаза од собраниската процедура.