Ставовите на министерот за надворешни работи Бујар Османи изнесени во изјавата во која вели дека „Европскиот фронт е отворен за сите“ се изопачени и злонамерни, се вели во денешното партиско соопштение на Алтернатива.
Од партијата велат дека со ваквата негова изјава тој сака да ја вклучи партијата на Аријанит Хоџа во владата и на тој начин да ги подели Албанците на оние кои се за ЕУ и оние кои се против, додавајќи притоа дека според него „општеството во Северна Македонија е поларизирано како никогаш досега“.
– Пристапот на Османи преку фразата „кој не е со нас (ДУИ) е против нас, односно против Европа“, со изговор дека тие се чуварите и филтрите на проевропската ориентација на државата, интегрирајќи ги во нивниот фронт сите новосоздадени партии под новото лого „Соравија-Еуровиа“, има за цел да ја поделат обединетата опозиција и ништо друго, велат од Алтернатива.