Македонските државјани (665) се втори на листата на депортирани лица од Германија, покажува истражувањето од парламентарната истрага на левичарска партија во Бундестагот. Вкупниот број на депортации во првата половина на 2023 година изнесува 7.861 што е за, речиси, 27 отсто повеќе во споредба со истиот период лани.
На првото место се државјани на Грузија со 705 депортации, а по Македонија, следуваат Авганистан со 659 и Турција со 525.
Од депортираните, 1.664 се жени, додека 1.375 се малолетни лица.
„Луѓето чии барања за азил се одбиени или чии визи или дозволи за престој се истечени мора да ја напуштат Германија. Имиграциските власти се обврзани да ја извршат нивната депортација доколку не постојат попречувачки фактори како што се болест или други основи за привремена суспензија. Сепак, овие депортации честопати не успеваат“, наведува агенцијата ДПА.
Според информациите, во првата половина од годината морале да бидат прекинати 520 обиди за депортација. Најчести причини биле отпорот на засегнатите лица, одбивањето на пилотот или авиокомпанијата и одбивањето на федералната полиција да изврши апсење.